Für unsere Freunde des Hochdeutschen: Das traditionelle Mutscheln der Familiengruppe findet statt am Donnerstag, 08.01.2026, um 19:00 Uhr in der Vereinsstube.

Ond jetzt fir alle andre :-):

Hoi älle midanandr,

a guads Nuis wenscha mr eich ond hoffed, dass ihr äba so guad neigrudschd send wia mir.
Au des Johr geids wiadr dia Kuglfuhr middem Wirfla.

Ihr seid dodrzua älle eiglada am Dooschdich noch de heilige drei Gscheidla (wers ed glei bliggd: 08.01.26) so ab de Siebene (19 Uhr). Dreffa demmr ons nadierlich wia jeds Johr em Stiable z’Sondlfenga zom gmiatlicha Beisammasei.

Wer obedengt ebbes midbrenga will, der brengd an rechda Hongr mid ond gern au no n guada Freind wennr oin hot (oder au zwoi).
Nadierlich geids au wiadr an guada Wurschdsalad – wers mog au mid ma Briggl Schwarza – ond Mutschla grad gnuag.

Sodele – jetzt muasch bloß no ois macha:
Ons saga, ob de kommsch odr ed!

Mir freied ons saumäßig uff eich!
S’Mutschl-Kombedenz-Team